اقتراح لتحسين الردود

السلام عليكم

انا عندي اقتراح ورأي حابه اعرضه عليكم وهو

الردود لاحظتها ان الاعضاء كلهم يدخلوا يشكروا العضو وخلاص على كدا

ومنهم انا

لكن من رأيي نحسن الردود ويكون الرد يوفي حق الكاتب

ويقول ايه اللي عجبه في الموضوع وايه اللي مش عجبه

ويعلق على كل حاجة كدا يبقى ادينا حق الكاتب اذا كان مترجمه او ناقله

وكمان يكون الردود شكلها حلو مش سطحيه

ياريت لو عجبكم كلامى وعجب مها او موني يعملوه قانون واي رد سطحي يتحذف

لان الاعضاء بجد بيستسهلوا ومش بيوفي بحق الكاتب خالص بس بيكسبوا مساهمات على حسه وانا كمان منهم والكل كدا لان الكل دخل لاقه المساهمات والردود من الاول سطحيه

انا نفسي بس المملكه تبقى احسن مملكه باعضائها بمواضيعها بردودها

فعلا شيري كلامك صحيح
كلنا بدخل نقول شكرا وخلص الموضوع
مع إن اللي كاتب الموضوع أو ناقله بيستاهل إن نديه آرائنا وتعليقاتنا على الموضوع
وهي المملكة فالآخر بيتنا مش بيت الجيران
يعني لازم نتناقش حول كل أمر يدور فيها وندي رأينا بكل وضوح
شكرا شيري على الفكرة دي حبيتها جدا ويارب الكل يعمل بيها

كلامك حلو يا شيري
وبجد اقتراح جميل وجة في وقتة

فعلا اللي بيكتب الموضوع بيتعب قوى اذا كان مترجمه وبيجري ورا المصادر
او ناقله وتعب عقبال ما جابه
طب كل اللى عجبه الفكره يصوت فوق

مرسي شيري على طرحك للموضوع وانا معاك في كل اللي قلتيه ولازم يكون هناك نقاش حول المواضيع اللي بتتعرض و يكون نقد بناء و في نفس الوقت تشجيع للكاتب واكيد هذا راح يخلي مملكتنا ترتقي من حسن الى احسن

فعلا يا سالي بس ارجوكم صوتوا فوق وياريت يوصل الموضوع لمها او مونى

اقتراح كويس
بس مش نقدر نعمله قانون لاننا مش نقدر نلزم حد هو عايزيرد بايه لان كل واحد حر فى نفسه
بالطريقة الى يرد بيها
ولو خذفنا رده ده ممكن يضايق البعض لان مش كل ناس ممكن تعرف ترد غ موضوع
لاكن الاهم يبقى فى اهتمام بالردود الاول والاساس عشان يبين اهمية الموضوع واهمية الناس بقرائته
ولازم نجذب الاعضاء للرد ع مواضيع مش بس مشهدتها

لان مش كل اعضاء المنتدى بيقومو بالرد ع مواضيع وده اهم من ان احنا نجبرهم ع طريقة رد معينة

بالعكس يا أية

كدا في اعضاء بيزيدوا مساهمتهم على حساب صاحب الموضوع بكلمه بسيطه جدا مش تكفي قيمه الكلام المكتوب والمجهود

وارهنك ان في ناس مش بتقرا الموضوع وبتستسهل وتقول شكرا وخلاص

انا مش عايزه يكون دا قانون بس على الاقل نحسن الردود شويه مش مجرد كلمه شكر وخلاص

مختلفناش ع فكرة
الفكرة مش نوع الرد الفكرة ان الاهتمام بالرودو سواء ان كل الاعضاء يردو ع موضوع
ويهتمو بيه ده الاساس طريقة الرد دى بتفرق من شخص لاخر
بس المهم الاهتمام بالردود والمواضيع نفسها
لان طريقة الرد هى جزء من شخصية الانسان مش هينفع الكل يتوحد عاليها بس المهم
ازاى تزيد المشركات بالشكل الايجابى

انا مش بقول هنعمل رد معين والناس ترد بيه

انا بقول يكون الموضوع ساحه نقاش مش موضوع للرد لزياده المساهمات

ندخل نعلق عليه وكدا لكن مش نشكر ونقول خلاص

الاهتمام بالموضوع طبيعى هيطور نفسه للاهتمام بالردود الاعضاء كتيييييييير مشاء الله
بس للاسف اهتمامهم بالمواضيع مش ع قد عددهم
لازم الاعضاء يهتمو بالمواضيع وكل واحد هيطور من رده ع حسب اهمية الموضوع عنده

انا بصراحه مش عارفه مع او لا
بس انا رائى الشخصى ليا انا بحب ارد على المواضيع مش مجرد شكر لو الموضوع ممكن اناقش فيه بقول رائى كمان
بس فى مواضيع بتبقى مش عاوزه نقاش عليها لان طبيعة الخبر مش بتحتاج نقاش
بس اعتقد اننا نعمل مواضيع يكون عليها نقاش للاعضاء فى اللى كل اللى يخص شاروك وافلامه رايك الشخصى مناقشة فلم معين ورايك فيه ايه
وكمان الغاء مساهمه عضو لو رده مجرد شكر مش حباها اوى فى رائى ان مرورى على الموضوع لو حتى مش قريته وشكرت صاحبه فدا يعتبر تقدير لصاحب الموضوع

مهو ده المهم هدى ان احنا ازاى نجذب الاعضاء للمشاركة والتفاعل اكتر مع المواضيع
وانهم يقولو رائيهم ويهتمو بالمواضيع مش بس قرائة وخلاص

علشان كدا بقول ممكن نعمله قانون عشان الاعضاء يهتموا او مش قانون بس نلفت نظرهم

انا صوت بس مش قلت يا لهوى هههههههههه
قلت نعم
اتمنى مشاركه فعاله من كل الاعضاء والاداره

هههههههههه الزهايمر اكل البلد ههههههه

هو المفروض يكون فى مشاركة فى الموضوع وكل واحد يقول رده

لاكن اللى بيحصل ان اى عضو يعمل مشاركات وخلاص وممكن كمان يكون مش قرى الموضوع عن ايه

بشكرك سانا على اهتمامك

العفو ياقمر انا يهمني تقدم المملكه من كل حاجة

كلام رائع وانا معاكي
وهنزل قانون بكدا ويا ريت لو ترسلوا لموني تقولولها تعمل القانون في قسم القانون
اي واحدة من المشرفات تعمله في قسم القانون وتكتب بموافقه الادارة
واي مشرفة اومشرفة عامة تلاحظ رد سطحي اي لا يوفي الموضوع حقه تنزل رابطه في قسم المشرفات او تحذفه من نفسها وتعرف صاحبه

رأيك يستحق الاحترام يا سانا
و اكيد كل واحد بيعمل موضوع بيهمه ان الموضوع يلفت نظر الأعضاء و يعجبهم و يوصلهم معلومه
و الاهتمام بالرد الايجابي على الأقل يحسس صاحب الموضوع ان رسالته وصلت
و ان موضوعه مؤثر

مرسي يا مها على الثقه الي اديتهالى
ومرسي يا شيرين ع الكلامك
ودا هيدي لصاحب الموضوع طاقه انه يعمل موضوع تانى وتالت لما يلاقي في اهتمام للموضوع خلال المناقشات مش نقول مشكور ونمشي زي ما نكون بنديله حسنه وخلاص
وهو منزل الموضوع عشانا مش عشانه

الفكرة حلووووة ياسانا بس مش الكل بيلاقي وقت عشان يكتب رأيه او ايه اللي عاجبه او موعاجبه في الموضوع وانا وحدة منهم ساعات بدخل المملكة عشان اعمل لفه سريعة ولمن بلاقي موضوع عاجبني بس مااقدر اقول غير كلمة شكر واطلع لاني عايزة اشووف اكبر عدد ممكن من المواضيع

وبعدين الردوود راجعة للشخص نفسه لذووقه اذا كان حابب يقدر الكاتب او لا ويوفيه حقه ولا لا

اما فكرة انه يكوون هذا الشي ضمن القوانين اشوفها صعبة انه الرد يتحذف

واللي قرا ورد حتى لو كان بسيط احسن من اللي قرأ وماردش اصلا ولا حتى عبر الكاتب

هذا رأي الشخصي ووبس

ونا اصوت بنعم كفكرة تحسين الردوود مش وضعها كشرط او يتحذف الرد

تحياتي ... وتقبلي رايي

فكرة جميلة سانا
وانا اوافق على تحسين الردود
وكل حسب زوقه
اما زى ما قالت برينسيس
بلاش الحزف
صعب تحكمى على رد انه سطحى
او عميق
لان كل عضو وله اسلوبه

اما الحزف للاعضاء اللى يسيئوا للقوانين والاخلاقيات فقط
وطالما الرد فى حدود الادب
يبقى صعب حزفه لان ده ممكن ينفر الاعضاء من الاشتراك بالمملكة
تقبلى وافر ودى واحترامى[b]