لعبه كـــــــــرسي الاعتراف مع العضوه بارو

حلو قوووى عجبتني اجوبتك بس طلاما حبيبتك كدا مش تخسرها بقى

يلا اسيبك ليهم

مرسي شيري
وأخيرررررررررررررررررررررررا جية دوري عشان انتقم منك

نبدأ مع الأسئلة

ايه هي هواياتك ؟

لو قابلت شخص اعمى وطلب منك توصفله الدنيا بكلمه هتقوله أيه ؟

اعتذار تقدمه لمين ؟

بماذا تقر وتعترف أمامنا دلوقتي ؟

لو كان اليـوم " يومِ الأماني " هتكون أمنيتك ايه لليوم ؟

قول أيه بتكره فيا وايه بتحبه فيا ؟

لما كنت انا ضيفة كرسي الإعتراف أنت قلتلي إن كلكم أخدتوا عني فكرة
وأنا سألتك خدت عني فكرة ايه مارضيتش تجاوب
وقلتلي لما أكون بكرسي الإعتراف اساليني
دلوقتي هسألك
كانت فكرتك عني ايه لما كنت ضيفة كرسي الإعتراف وبصرااااااااااااااحة
مش عايزة لف ودوران وخصوصا إنك كنت مش تعرفني أوي

لو معك سكينة ولازم تدبح عضوين مين تختار ههههههه ؟ أكيييييييد مش أنا هههههه

قول موقف محرج جداااااااااا حصلك وكنت هتموت من كتر الإحراج " بالتفصيل "

ايه هو مفهوم الطيبة لديك ؟

" شكرا لأنك في حياتي " قولها لـ 10 أشخاص

لو حد جرحك جرح عميق آلمك .. بعد فترة بتحقد عليه أو بتسامحه ؟

صفة تثير إعجابك تجاه شخصية معينة ؟ ومن هي الشخصية ؟

من وجهة نظرك صفة يحتاجها الشخص حتى يحافظ على علاقاته مع الآخرين ؟

لو كانت حياتك رواية هيكون عنوانها أيه ؟

هي دي الأسئلة بسيطة جداااا ..
وأول مايخطر على بالي أسئلة تانية مش هتردد بالسؤال هههههههههه

هههه
حلو الانتقام دة يا شيري
وانتى كمان يا لولو
والاسئلة حلوة

مشرف عدد الرسائل : 2031 تاريخ التسجيل : 21/01/2010

الاسئله جاااااااااااااامده جاوب يا مان بسرررررررعه ربنا معاك

لولو ابدعت
والله اللعبة دى لطيفة بشكل

بما ان اللعبة اتفتحت
انا بطال باسمى وباسم البنات هنا
ان احمد لازم يكمل اسئلته احسنله

يلا اجهموا عليه مش ترحموه

أحمد لا مفر هتجاوب يعني هتجاوب على اسألتي
يلا جاوب مافيش هروب

براحه عليا والله هجاوب ع كله بس النت كان المشكله بس ههههه

ايه هي هواياتك ؟
النت وقراءه الروايات والقصص الجاسوسيه والمخابرات والكلام دا خصوصا لكاتب معين بس اسمه نبيل فاااوووق

لو قابلت شخص اعمى وطلب منك توصفله الدنيا بكلمه هتقوله أيه ؟
الدنيا غداره ههههه

اعتذار تقدمه لمين ؟
لاي حد زعل مني فى يوم من غير قصد وبقصد برضو

بماذا تقر وتعترف أمامنا دلوقتي ؟
اعترف اني عشت احلى اوقات فى المنتدي الجميل دا مع احلى اعضاء وانشالله لما اسيبه اسيبه وانا مبسوط برضو

لو كان اليـوم " يومِ الأماني " هتكون أمنيتك ايه لليوم ؟
اتمني التوفيق ليا وبنا يسهلها معايا واخلص بسرعه بسرعه علشان الحق اتجوز بقا واعيش حياتي مع حبيبه قلبي

قول أيه بتكره فيا وايه بتحبه فيا ؟
بحب فيكي طيبتك وحنيتك وبراءتك وبكره انك ممكن تزعلي بسرعه من اي كلام حتي لو مش صح ومن غير قصد

لما كنت انا ضيفة كرسي الإعتراف أنت قلتلي إن كلكم أخدتوا عني فكرة
وأنا سألتك خدت عني فكرة ايه مارضيتش تجاوب
وقلتلي لما أكون بكرسي الإعتراف اساليني
دلوقتي هسألك
كانت فكرتك عني ايه لما كنت ضيفة كرسي الإعتراف وبصرااااااااااااااحة
مش عايزة لف ودوران وخصوصا إنك كنت مش تعرفني أوي؟
ههههه اكيد كل خير يا لولو وانتي عارفه كدا وبطلى هبل والوسوسه اللي جواكي دي هههههه

لو معك سكينة ولازم تدبح عضوين مين تختار ههههههه ؟ أكيييييييد مش أنا هههههه

ههههههههه اختار شيرين علشان اخلص منها بدرى بدرى هههههه واكيد انتي معاها علشان اسئلتك دي ههههه

قول موقف محرج جداااااااااا حصلك وكنت هتموت من كتر الإحراج " بالتفصيل "
اكتر موقف صعب مريت بيه لما كنت فى الثانوي العامه كنت باخد درس رياضه عند مدس فى بلد جنبنا وكان فى واحده زميلتي اسمها رفيده كانت متعوده دايما بتروح وتيجي معايا يعني تقريبا اهلنا عارفين بعض وموصيني عليها احرسها وكدا بليل واحنا بنروح ونيجي
المهم مدرس الرياضه دا ع طول ودايما نيته سوده وحب يعمل فيا مقلب
خلص الدرس وخلي الكل نزل تحت وجه نده عليا وقالي اطلع عايز والبنت تحت مستنياني
طلعت لقيته بيقولى خليك معايا اقعد حل امتحانات قولتله واللي نزلوا قالي ابعت لاصحابك بس فجيت بعت لرفيده واصحابي لقيت رفيده بتقوله لا انا عايزه اروح وبتبصلي ع اساس اروحها لقيت الرخم ابن الرخم بيقولها خلي اي حد تاني غير احمد يوصلك انا لقيت البنت وشها احمر وازرق وانا كمان وشي قلب الوان ههههه ولقيتها بتقوله شكرا يا استاذ حازم وسابتنا ومشت انا بصيتله وقولتله ماشي شكرا ورحت اصالحها واجبلها بسكوت وبيسبسي ههههه بس برضو مفيش فايده ومن يومها مش كلمنا بعض تاني ولا حتي روحنا تاني للمدرس دا الله يخرب بيته هههههه

ايه هو مفهوم الطيبة لديك ؟
ان اللي فى قلبك يبقى دايما علي لسانك وخليك تلقائي والناس اكيد هتحبك

" شكرا لأنك في حياتي " قولها لـ 10 أشخاص
والدتي
اخواتى
حبيبتي
فوكش صاحبي حبيبي
كل اعضاء المنتدي الحلوين بدون ذكر اسماء علشان محدش يزعل لو نسيته واظن هما اكتر من العشره كمان ههههه

لو حد جرحك جرح عميق آلمك .. بعد فترة بتحقد عليه أو بتسامحه ؟
لا ابدا والله اكيد بسامحه بس بعد فتره مش ع طول يعني وانا من طبعي اني بنسي يعني ومش بشيل فى قلبي

صفة تثير إعجابك تجاه شخصية معينة ؟ ومن هي الشخصية ؟
جنون البنت شيرين ههههه عجبني قوى

من وجهة نظرك صفة يحتاجها الشخص حتى يحافظ على علاقاته مع الآخرين ؟
طول البال والصبر علشان مش ع اي حاجه ممكن يزعل من الناس بسببها وكدا هيحافظ ع علاقاته اكيد

لو كانت حياتك رواية هيكون عنوانها أيه ؟
ههههه بحر الغمووض

كدا جاوبت يلا اللي بعده ههههه

هههههههه حلوة الأجوبة ياأحمد
شفت أزاي الأسئلة مش صعبة
يلا انتظر القادم أحلى إن شاء الله هههههههه

هههههههه حلو حلو
وانا بشكر الاستاذ حازم دا ربنا يخليه ويديله طوله العمر يارب ههههه
يلا يالولو ادخلى بسأله تانى

مممممممممممم حلوة

طيب انا هسألك سؤال ومنه هعرف شخصيتك ومش هحتاج اسأل اى سؤال تانى
السؤال هو

بتلبس ايه فى رجلك كوتشيات ولا جزم؟

ها جاوب
انا اصلى اعرف الواد من رجلو

بس كده يايويو سؤال واحد بس اسألي ياختي الأسئلة مجانا هنا هههههههههه

لا مش ينفع سؤال واحد جبت انا كمان اسئلة عشان احمد بسسسس

مين أول شخص عرفته فالمنتدى ؟

عضو تتمنى تغير اسمه ؟؟ وعضو تتمنى تعرف معنى اسمه ؟؟

لو ربحت 9 مليون جنية أيه هي أول حاجة تعملها ؟

أنت من النوع اللي بيحب التملك .. ولو تملكت حاجة تزهق منها ؟

أكتر حاجة بتشعرك بالحرج الشديد أيه هي ؟

مين العضو اللي يستحق إنك تقول عليه محبوب من الأعضاء ؟

عضو نفسك تتقرب منه أكتر ؟

أكتر 4 أعضاء قريبين منك ؟

لو اسمك ماكنش أحمد .. تحب يكون ايه ؟ وليه ؟

ايه هي أكتر كلمة بترددها فحياتك اليومية ؟

حاجة أو صفة فشخصيتك بتكرهها وبتتمنى إنك تخلص منها ؟

أغنية مفضلة عندك أيه هي .. بتهديها لمين ؟

أغنية بتشبهك فشخصيتك وتصرفاتك ؟

ما رأيك بهذه الكلمات ..

الحب ..

الخيانة ..

المرأة ..

الصداقة ..

النفاق ..

يلا جاوب على الأسئلة دول أنا متعاطفة معاك مش بصعب الأسئلة هههههههه

virginia كتب:: طيب انا هسألك سؤال ومنه هعرف شخصيتك ومش هحتاج اسأل اى سؤال تانى
السؤال هو

بتلبس ايه فى رجلك كوتشيات ولا جزم؟

ها جاوب
انا اصلى اعرف الواد من رجلو

هههههه حلوه انك بتعرفي الشخصيه من الرجل دي
طب بصي بقا ياستي انا لحد قبل اسبوع بس كنت بلبس جذمه ولسا بدأت البس كوتشي من اسبوع كتغيير شويه
ونبي ابقي قوليلي شخصيتي بقا هههههه

مين أول شخص عرفته فالمنتدى ؟
عاشقه شاروخ او هديل

عضو تتمنى تغير اسمه ؟؟ وعضو تتمنى تعرف معنى اسمه ؟؟
نفرتيتي تغيره علشان مش لايق هنا خالص واللي اتمني اعرف معني اسمه اظن مفيش علشان كل الاسماء هنا بدور حول شاروخان فمش صعبه يعني

لو ربحت 9 مليون جنية أيه هي أول حاجة تعملها ؟
ههههه اشمعني تسعه يعني بس عموما انا لو كسبت فلوس اول حاجه هشتريها عربيه مرسيدس هموت واشتريها وان شاء الله هشتريها ههههه

أنت من النوع اللي بيحب التملك .. ولو تملكت حاجة تزهق منها ؟
بحب التملك قوى بس مش بزهق منه

أكتر حاجة بتشعرك بالحرج الشديد أيه هي ؟
لو حد طلب مني حاجه ومش قدرت انفذها ليه بنكسف قوى هههه

مين العضو اللي يستحق إنك تقول عليه محبوب من الأعضاء ؟
ياه كل الاعضاء محبوبين بس نقول الاكتر مها خان علشان هيا السبب فى تجمعنا دا

عضو نفسك تتقرب منه أكتر ؟
واماا

أكتر 4 أعضاء قريبين منك ؟
شيري وهديل وولولو واسيره

لو اسمك ماكنش أحمد .. تحب يكون ايه ؟ وليه ؟
لا انا بحب اسم احمد مفيش احلى منه

ايه هي أكتر كلمة بترددها فحياتك اليومية ؟
حسبي الله ونعم الوكيل هههههههه

حاجة أو صفة فشخصيتك بتكرهها وبتتمنى إنك تخلص منها ؟
العصبيه الشديده تعباني قوى هههه

أغنية مفضلة عندك أيه هي .. بتهديها لمين ؟
اغنيه lady لشيرين علشان عاررفها بتموت فى الرومانسي هههه

أغنية بتشبهك فشخصيتك وتصرفاتك ؟
ههههه مش فاهم السؤال

ما رأيك بهذه الكلمات ..

الحب ..
احلى حاجه فى الدنيا

الخيانة ..
صعبه

المرأة ..
منقدرش نستغني عنها

الصداقة ..
حاجه جميله جدا ومفيده

النفاق ..
ههههههه ساعات بينفع

يلا اي خدمه اللي بعده هههههه

هههههههههه مستعجل على اللي بعده
أنا خلاص خلصت اسئلتي
اللي يحب يسأله يغتنم الفرصة بسرعة قبل مايقوم من على الكرسي

طيب طيب طلاما انت مستعد خد عندك هههههه

اعتذار تريد ان تقدمه لمن؟

ما رد فعلك عندما تقول لك حبيبتك : أحبك نعم أتزوجك لا ؟

ماذا ستكتب لنا لتعبر عن حياتك التي عشتها الى الان في كلمات قليله ؟

اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبتك وبين اعز صديق فمن تختار ؟

هل تعتقد ان حظك سيئ؟

هل هزمك حزنك في يوما من الايام؟

((مستحيل انساك)) لمن تقولها ؟ دا مش بسبب الزهايمر يعني هههههه

(( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟

(( انت كل شيء بحياتي )) لمن تقولها ؟

هل انت راضي عن نفسك ؟

بماذا تقر وتعترف أمامنا الان ؟

اغمض عينيك دقيقه لو سمحت, ماذا خطر على بالك وانت مغمض العينين ؟

ايهما اهم شهادتك الجامعيه أم الزواج ممن تحب ؟

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

هل انت مدمن تفكير؟

اذا تم تعيينك ملكا لجميع البلاد العربيه فما اول قرار ستتخذه ؟

هل تكره شخص بشده في حياتك ؟

هل ملابس الشخص امامك تؤثر فيك لتأخذ عنه انطباع ؟؟

ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

ماهو اجمل اسم لولد واجمل اسم لبنت من وجهة نظرك؟

احمد انا تعبت من الاسئله جاوب بقى هههههههه

حلوة الاجوبة
وكويس انك بدأت تلبس كوتشيات
احييك

» لعبه كرسى الاعتراف
» اللى يحب بارو ياريت يبارك لها
» المملكة تهني وتبارك للعروسة بارو اول عروس بالمملكة