دردش مع عشاق الكنج خان

سلام نامستى .. يا احلى اعضاء فى مملكه الكينج

واحشتونى كتير بارو و مونى و شارو باشا و بعشق شارخان

وعندى ليكم اقتراح و يارب يعجبكم ... عايزين ننزل نغمات للموبيل بموسيقى افلام الكينج و تبقى باب رئيسى هنا فى المملكه

انا مثلا حاطه على الموبيل بتاعى نغمه فيلم [ندعوك للتسجيل في المنتدى أو التعريف بنفسك لمعاينة هذا الرابط] .. حاطه الموسيقى بتاعة اغنيه Tujh Mein Rab Dikhta Hai انا اصل بحب الاغنيه دى اوى هو اه صح عيلتى كلها بتقولى انى مجنونه عشان حاطه نغمه هندى بس مش مشكله المهم ان الكينج معايا فى كل حته و بفكر فيه كل ما التليفون يرن شوفتو انا بقه بحبه قد ايه ...
المهم ايه رائيكم فى الاقتراح على الاقل احس ان فى ناس تانيه حاطه نغمات هندى مش انا لوحدى
مستنيه ردكم و يارب الاقتراح يعجبكم
يلا اقولكم خدو بالكم من بعض و متجمعين على حب كينج واحد هو الاول و الاخير
يلا سلام

ي

ياجماعة انا عاوزة حل لمشكلة ان كل الافلام الي بنزلها مش بتشتغل بجد نفسي القي حل لان عاوزة اشاهد الافلام دي بجد عاوزة حل واكون مشكورة ليكم جدا

يارا33 كتب:: ي [ندعوك للتسجيل في المنتدى أو التعريف بنفسك لمعاينة هذه الصورة] ياجماعة انا عاوزة حل لمشكلة ان كل الافلام الي بنزلها مش بتشتغل بجد نفسي القي حل لان عاوزة اشاهد الافلام دي بجد عاوزة حل واكون مشكورة ليكم جدا

ازيك يا يارا عامله ايه ؟؟ فى ايه حبيبتى مالها الافلام اللى انتى نزلتيها مش شغاله معاكى ليه ؟؟ انا نزلت فيلم كوتش كوتش هوتا هى .. امبارح و شغال كويس
بصى قوليلى انتى لما بتخلصى تحميل الفيلم بتعملى ايه ولا ايه اللى بيظهرك لو بيديلك رساله اكتبى النص بتاعها هنا و نشوف نحل المشكله مع بعض ماشى مستنيااكى يا قمر سلام نامسى

ازيكم يا احلى الأعضاء يارا حبيبتى عامله ايه اعملى زى فله ولو وقفت حاجه معاكى انا هساعدك

[ندعوك للتسجيل في المنتدى أو التعريف بنفسك لمعاينة هذه الصورة]بسم الله الرحمن الرحيم

الاول انا برحب باظرف ناس قابلتهم فى حياتى
بصراحة و بجد الله اكبر الله اكبر ربنا يوفقكم

انا سوما من مصر و روحى فى شارو و بحب كل اللى بيحبوه
و يا ريت تعتبرونى اخت و صديقة لكم كلكم
بصراحة انا بحبكو

كلكم
و كل سنة و انتو طيبين

احنا كمان بنحبك يا قلبي
وعلى طوول مع بعض يا عيوني

اولا احلى سلام حاير طاير على احلى سوما فى الدنيا و اهلا و سهلا بيكى وسطنا ... وزى ما بقول دايما متجمعين على حب انسان واحد وهو الشاروخان الكينج
بصو بقه انا عرفت من موقع مش فاكر اسمو ايه ان الكينج بقه مشترك فى موقع اسمو twitter خلاص انا اشتركت فيه و لقيت الاسم اللى داخل بيه الكينج فعلا و تقريبا ممكن يكون و الله اعلم الموضوع صحيح بس انا عندى مشكله هو الموقع دا مش فاهماه يعنى بكتب رسايل بس مش عارفه بتوصل ولا لاء مش عارفه الحياه ماشيه ازاى على الموقع دا لو حد عندو اجابه ياريت يقولى ؟؟؟
وسلام نامستى

ازيكم حبايبي واحشتونى كتيييييييييييييييييييييييييييير جدا
وفعلا يا عسولات الملك كل يوم في موقع التويتر وانا برده اشتركت عليه
بالنسبة حبيبتى folaa80 انتىلازم تعملى FolloW لشاروكى اوكى بعدها بتطلع ليكى الرسايل اللى الكينج بيكتبها
حطى الماوس على الرساله اللى شاروكى كاتبها اوكى هاتتطلع ليكى كلمة " REPLAY " و " Retweet " اوكى اضغطى على كلمة " Replay "
هايطلع ليكى مستطيل فية كلمة " @iamsrk " اوكى اكتبي فية اللى انتى عايزاه بس في حدود 133 حرف وبعد كدة اعملى " replay "
اتمنى اكون قدرت اوصل ليكى الطربقة ............

*****************************************************************
وفعلا يا جماعة شارو بيدخل الموقع انا بدخل علية من فترة وشارو كلامه زى العسل وكلام شخص عاقل ومثقف مش بيقول اى كلام وخلاص ما شاء الله كلام شخص فاهم ودارس وهو بصراحة اتعلق بينا جدااااااااااااااااااااااااااا
اتمنى الكل يشترك ويكلمه احساس فوق الروعة بمراحل ان الكينج يكلمنا
بس طبعا هو مش بيرد على كل الاسئلة بس هو واعدنا انه بيقرا كل الكلام اللى احنا بنقوله

طب بقولك ايه يا حبيبتى ... انا داخله برضو باسم folaa80 ... انا ببعت برضو لصفحتو كتير يعنى متاكده انها كدا بتوصل .. طب و انتى داخله باسم ايه عشان اضيفك عندى و نبقى مع بعض هنا و هناك ؟؟

ايوة حبيبتى بتوصل لية الحمد لله
انا اسمى على التويتر " HindLoveSRK " اوكى يا عسولة

ايه ده بقي من ورايا يعنى كل ده

طب استنو لما اجى معاكو
هسجل واضيف الملك على طوووووووول

مستنينك يا مونى بجد احساس تانى خالص لما تحسى ان الكينج موجود معاكى ع الخط حتى لو مش بيكلمك ولا بيرد عليكى بس كفايه انه بيقرا كل اللى بنكتبه
يلا يا جماعه كلو يدخل و يتكلم مع الكينج خان

أذيكو يا احلى اعضاء انا عضو جديد هنا واتمنى التواصل

صباح الخير على اجمل اعضاء بمملكة شاروخ خان

هسجل دلوقت اهو واضيفكو

نورت يا شارو المملكة كلها

ازيك بارو عاملة ايه

ام مصطفى كتب:: السلام عليكم ورحمة الله
فى البداية احب اشكرك اختى مونى على اهتمامك فى الرد على ودعائك لى بظهر الغيب
بس انتى فهمتينى خلط انا مقدريش اقول على شاروخ انه وحش اوعلى شخص اخر يكفى انه مسلم وكلامى كان على سبيل النصح والله 0على فكرى انا كمان بتمنى له الخير بس انتى مش عرفى الى عايزة اقوله وعلى العموم مشكورة اختى وبحبك فى الله واتمنى لكى السعادة000

تسلمى يا ام مصطفى لاء انا حبيت اثبتلك ان شارو مش زى اى حد

وعلى فكرة هو دخل موقع تويتر وهو من نفسه اتكلم عن الاسلام من غير ماحد يقوله بس للاسف مش كنت مسجلة في الموقع عشان كده مش عرفت اجيب الكلام اللى قاله بالظبط

وكلنا هنا حبناكى من نصيحة الحلوة اوىىىىىىىى تسلمى وربنا يخليكي يارب

يا موني شكرا على الترحيب
وتنواصل دائما
ويا مرحب بكل الاعضاء
محدش عايز يرحب بيا هنا ولا ايه
ده انا برده لسه جديد معاكو

مين اللي قال كده بس طبعا هما حابيبن يرحبو بيك معانا بس عشان عندهم امتحانات بقي

مش في بين الاصحاب شكر صح ولا ايه

يا اهلا و سهلا يا شارو .. بقى عندنا اتنين شارو فى المملكه ايه الهنا دا كلو
بس على فكرا انت واخد الصوره بتاعتى و لازم تدينى ايجار بقه كل يوم
عشان اسيبك حاططها عندك كدا
و العداد بيعد بقه و كلك نظر
على العموم اهلا و سهلا
نتمنى لك اقامه ممتعه فى المملكه
وشعارنا هو ... كلنا متجمعين على حب كينج واحد و هو الكينج ملك القلوب شاروخان

ازيك فلة منورة ياقمراية

بقولك انا بعتلك ادد من التويتر

يسلام كمان عايزة ايجار الصورة

طب خليها الساعه بخمس جنيه والحسابه بتحسب هههههههههههههههه على رأى عادل امام

ههههههههههههههههه

انا بهدى النفوس بس ههههههههههههههههه

مونى حبيبتى واحشانى ... بجد انتى ضيفتينى عندك على التويتر طب اما ادخل حاشوفك و اضيفك عندى انا كمان

اومال مابشوفكيش بالليل ليه انا دايما بشوف هند بس ... امبارح كان مزاجو عالى اوى

هو اتعكنن فى اخر الكلام بس مش مشكله المهم اننا قضينا معاه ساعه فى النعيم و الجنه

ثم انا عارفه انك بتهدى النفوس ثم مش من حقى انى اخد ايجار انا مسجله قبل من شارو وحاطه الصوره قبل منه

يبقى لازم يدفع ههههههههههههههههههه دا احنا ح نريحووك يا باشا

يلا سلامى لكا اعضاء المملكه و خصوصا مونى و بارو و هند

اشوفكم على خير يا اغلى الناس

السلام عليكم
بحبك فى الله اختى مونى ومتشكرى اوى على اهتمامك دى وربنا يجزيكى كل خيرا
اما على موضوع شاروخ خان يارب يكون فى احسن حال ويكون فعلن خير سفير للاسلام

صباح الخير يا احلى اعضاء فى الدنيا
استنونى انا كمان عايزه اسجل على التويتر

مساء الخيرات على احلى واغلى اعضاء

حبايبي واحشتونى جداااااااااااااااااااااااااااااااااااااااا
شوفتوا الاخبار الوحشة <<<<<<<<<<<<< شاروكى حبيبي تعبان عنده نزله برد
هو قال كدة على التويتر
وروح قلبي دماغه وجعاه الهانم جورى نايمة في سابع نومة وهو تعبان
ابهشيك قال لشاروكى اعمل تانج هو سريع المفعول
شاروكى رد قال هاعمل الصبح اصل جورى لو صحيت دلوقتى هاتكسر تانجى
حبيبي طيب خالص يا قلبي علية مش عايز يقلق منامها نامت عليها حيطة البعيدة
تنام وتسيب القمر تعبان حرااااااااااااااااااااااااااااااااااااااااااام
ربنا يشفي عنه حبيبي
يا جماعة اللى ما سجل على التويتر يسجل متعة جدا ان الكينج يكلمك وتعرفي عنه كل حاجة اول بأول يسلملي يارب تواضعه معانا

» دردش مع عشاق الكنج خان
» بيت عشاق *شاهيد كابور*
» بيت عشاق|مادهوري ديسكت|